Pas vendimit të Apelit te Krimet e Rënda, ish-ministri i Brendshëm Saimir Tahiri ka dalë i qeshur me pasaportën e tij në duar, e cila i ishte bllokuar me herët në kuadër të hetimeve për çështjen “Habilaj” dhe atë “Sota”.
Ditën e sotme, Apeli vendosi të shfuqizojë vendimin për bllokimin e pasaportës së Tahirit, duke iu rikthyer atë.
Më ketë vendim të Apelit, ish-ministri i Brendshëm mund të dalë jashtë vendit.
Teksa ka lënë ambientet e Gjykatës, Saimir Tahiri ka zgjedhur të mos flasë për gazetarët, por vetë u ka uruar festat e fundvitit.
Nisur nga vendimi i Apelit, gazetarët e kanë pyetur nëse do të dalë jashtë Shqipërisë tashmë që mori pasaportën, por ish-ministri është larguar duke thënë “Gëzuar, gëzuar të gjithëve”.
