Policia e Shkodrës ka vepruar, duke vënë në pranga 2 të rinj, për shkak se këta duke festuar i kanë hedhur koshiut lëndë plasëse në oborr. Forcat blu të qytetit verior kanë dhënë detaje në lidhje me ngjarjen e cila ka ndodhur pikërisht në ditët e ndërrimit të viteve.
Njoftimi i policisë:
Pas hetimeve intensive të kryera nga Sektori për Hetimin e Krimeve të Rënda në Drejtorinë Vendore të Policisë Shkodër, në bashkëpunim me Prokurorinë e Rrethit Shkodër është dokumentuar me prova ligjore, ku si rezultat janë arrestuar në flagrancë shtetasit:
Klevin Palushaj, 22 vjeç,
Paulo Palushaj, 24 vjeç, banues në fshatin Stajkë, Njësia Administrative Bushat, Vua Dejës, të dy vëllezër. Arrestimi i vëllezërve Palushaj u bë pasi në fshatin Paçram, Bushat, Vau Dejës, rreth orës 01.40 dyshohet se kanë hedhur në oborrin e banesës së shtetasit P.P 58 vjeç, një sasi lënde shpërthyese të prodhuar në mënyrë artizanale, ku si pasojë e shpërthimit është dëmtuar automjeti tip Benz me targë AA 671 PR , e shtetasit P. P. Dyshohet se dy vëllezërit e kanë hedhur lëndën shpërthyese në shenjë hakmarrje si pasojë e një konflikti për motive të dobëta të ndodhur disa kohë më parë me shtetasin P.P.
