Ministri i Brendshëm Fatmir Xhafaj ka reaguar ditën e sotme lidhur me operacionin ku u kapën vrasësit e Devi Kasmit, vrasje kjo e ndodhur disa ditë më parë.
Përmes një postimi në Twitter, Xhafa e ka cilësuar si operacion të shkëlqyer, ndërsa ka falenderuar policinë dhe prokurorinë.
“Operacion i shkëlqyer: Identifikim & arrestim rekord i autorëve të dyshuar të vrasjes në Tiranë. Falënderim Policisë Tiranë për profesionalizmin e treguar. Faleminderit Prokurorisë Tiranë për bashkëpunimin shumë të mirë. Të bindur për të tjera rezultate pozitive.”, -reagimi Xhafës.
Policia e Tiranës ditën e sotme bëri me dije se ka vënë në pranga autorët e vrasjes së Devi Kasmit, ku mes të arrestuarve ishte edhe një grek.