Gjatë fjalës në Komisionin e Politikës së Jashtme, Ministri për Europën dhe Punët e Jashtme tha se i kishte kthyer përgjigje presidentit të vendit për objektin e marrëveshjes, për titullin, për projekt-marrëveshjen, ekipin negociator dhe si asnjëherë tjetër edhe jetëshkrimin e negociatorëve.
Por Bushati ka thumbuar presidentin e Republikës duke u shprehur se të vetmet çështje që Ditmir Bushati nuk mund t’i jepte zgjidhje, ishin “egoja, paranoja dhe Saliu”.
Reagimi i Bushatit vjen pas deklaratave të presidentit Ilir Meta në emisionin Studio e Hapur, gjatë së cilës ndryshe nga çfarë kishte deklaruar në konferencën e shtypit në 20 shkurt, mbrëmë pranoi se ka pasur takim me Ministrin e Jashtëm një ditë para takimit ne Korcë.