Një tjetër grabitje me armë ndodhi dje ne mbrëmje në periferi të qytetit të Korçës.
Persona të maskuar dhe të armatosur dhunuan një çift dhe më pas i grabitën automjetin dhe telefonat celulare.
Duke përfituar nga errësira, autorët janë larguar në drejtim të paditur.
Pronari i makinës ka deklaruar ne polici se ishin 3 persona të maskuar, të cilët i kërkuan të dilte nga makina.
24-vjeçari si fillim nuk ka pranuar pasi ishte i shoqëruar me një vajze, por me pas është detyruar nen kërcënimin e armeve.
Maskat kanë marrë mjetin dhe dy telefona celularë, por më pas i kanë hedhur pak metra larg vendit të ngjarjes.
Policia vijon hetimet për zbardhjen e rrethanave të ngjarjes.
Muajt e fundit ne Korçe janë shënuar shume raste te vjedhjeve dhe grabitjeve me arme e maska, por deri me sot nuk ka asnjë te arrestuar.
