Prej ditës së djeshme kryeministri se bashku me qeverinë ndodhen në Elbasan, ku po zhvillojnë disa takime në kuadër të ditës së verës.
Ajo që shihet qartë në videon e mëposhtme të ‘’Faxëeb.al” është problemi shëndetësor që Rama ka me këmbën. Ai shfaqet duke çaluar teksa zbret nga makina shoqëruar dhe nga ana e kryetarit të bashkisë së Elbasanit, Qazim Sejdini. Sikleti me këmbën i Ramës shfaqet përgjatë gjithë qëndrimit të tij në Elbasan.
Po ashtu Rama ka vizituar dhe panairin e prodhimeve ushqimore ngritur posaçërisht për këtë festë.
Prania e qytetarëve është mjaft e madhe, teksa kryeministri shihet i rrethuar edhe nga forca të shumta sigurie. Nuk kanë munguar as buqetat me lule për kryeministrin, i cili ua ka dhuruar disa zonjave pas tij.
Rama u shpreh: Ka kaluar shumë kohë, aq sa nuk e mbaj mend herën e parë që kam ardhur në Elbasan në Ditën e Verës, po ajo që vihet re është ndryshimet që ka pësuar qyteti.
Ai premtoi se do të ketë shumë mundësi të reja për Elbasanin dhe se e nesërmja do të shkëlqejë si dita e verës