Një urim për festën e Fitër Bajramit ka bërë edhe kryetarja e Lëvizjes Socialiste për Integrim, Monika Kryemadhi.
Kryemadhi uron paqe dhe mbarësi për të gjithë besimtarët myslimanë.
“Uroj nga zemra që fryma, vlerat dhe mësimet e tij (muajit të Ramazanit) të jenë një mësim i madh për shoqërinë tonë gjatë gjithë vitit”, shkruan Kryemadhi.
POSTIMI I PLOTE
Urimet më të mira për të gjithë besimtarët myslimanë në festimet e Bajramit të Madh, në përmbyllje të muajit të shenjtë të Ramazanit.
Pas një muaji dedikimi e sakrifice për t’u afruar më tepër me zotin, vlerat e të cilit kanë një rol të pazëvendësueshëm për shoqërinë tonë.
Ramazani kultivon shpirtmadhësinë dhe është kontribues tolerance dhe solidariteti.
Uroj nga zemra që fryma, vlerat dhe mësimet e tij të jenë një mësim i madh për shoqërinë tonë gjatë gjithë vitit.
Gëzuar Bajramin e Madh!
Mbarësi, paqe e lumturi për familjet tuaja dhe Shqipërinë!
