Frikë për një tragjedi si ajo në Itali, nis kontrolli i urave në Shqipëri - Bota Sot
Frikë për një tragjedi si ajo në Itali, nis kontrolli i urave në Shqipëri

Shqipëria

E premte, 16 nëntor 2018

Frikë për një tragjedi si ajo në Itali, nis kontrolli i urave në Shqipëri

Më: 17 gusht 2018 Në ora: 17:25
Itali

Policia Rrugore në Shqipëri njoftoi sot se do të nisë një aksion për inspektimin e urave.

Kjo vjen pas tragjedisë që ndodhi në Genova të Italisë, ku pas shembjes së urës Morandi humbën jetën 38 persona.

Drejtori i Policisë Rrugore Mithat Tola pohoi se ka filluar inspektimi i sistemeve të sinjalizimit vertikal dhe horizontal mbi tregimin e peshës së lejuar të mjeteve mbi ura, po ashtu edhe gjendjen e këtyre strukturave dhe të elementeve të sigurisë.

“Javën në mbyllje dhe javët në vijim, shërbimi i Policisë Rrugore në bashkëpunim me “Autoritetin Rrugor Shqiptar”, nisur nga ngjarja tragjike – rrëzimi i Urës në Genova të Italisë, ku humbën jetën 39 persona, ka filluar inspektimin e sistemeve të sinjalizimit vertikal dhe horizontal mbi tregimin e peshës së lejuar të mjeteve mbi ura si dhe në përbërje të grupeve teknike të inspektimit edhe për të verifikuar gjendjen e këtyre strukturave dhe të elementeve të sigurisë.

Në bashkëpunim me aktorë të tjerë të ngarkuar me ligj për menaxhimin e elementëve të sigurisë rrugore në këto infrastruktura, Shërbimi i Policisë Rrugore do të monitorojë në mënyrë të rreptë tejkalimet e peshave të ngarkesave të mjeteve, për të shmangur dëmtimet dhe respektimin e ligjit duke “prodhuar” me shumë siguri rrugore.”, tha Tola.

Sot mund të lexoni Shfletoni kopertinat
Sondazh
test