Ish-Presidenti i Republikës, Bujar Nishani, ka reaguar me shqetësim ndaj mënyrës se si qeveria socialiste e Ramës po u shpërndan buxhetin e shtetit, “grupeve të krimit të organizuar”,- siç u shpreh Nishani.
Ai shkruan se janë këto grupe të cilat blejnë vota gjatë zgjedhjeve që zhvillohen në vend.
Ish-Presidenti shprehet se, për këtë arsye në Shqipëri nuk rriten rrogat as pensionet, nuk ka spitale, shkolla e rrugë të reja ndërkohë që krimi nga ana tjetër pastron paratë.
Ky model duhet të marrë fund thotë z. Nishani.
Ja postimi I plotë I ish-presidentit Bujar Nishani:
“Modeli i qeverisjes socialiste të Edi Ramës në Shqipëri : “anëtarët e grupeve të krimit të organizuar blejnë vota gjatë zgjedhjeve, qeveria u shpërndan buxhetin e shtetit me tendera për bisneset e tyre”.
Ndaj nuk ka rritje pensionesh, ndaj nuk ka rritje pagash !
Ndaj nuk ka spitale, shkolla, rrugë të reja !
Ndaj nuk ka ujë, energji, libra, ilaçe për më të varfërit.
Krimi organizuar pastron paratë, rilindasit pushtet të pakufizuar dhe pakontrolluar.
Ky model duhet të marrë fund !”
