Vdekje e dyshimtë në Korçë, familjarët thonë se është vrasje

Shqipëria

Vdekje e dyshimtë në Korçë, familjarët thonë se është vrasje

Më: 24 gusht 2018 Në ora: 12:15
Pamje nga video

Një 56-vjeçar është gjetur i pajetë në banesën e tij në qytetin e Korçës ndërkohë që policia ka konstatuar shenja dhune fizike në pjesën e fytyrës dhe në trup.

Nevruz Fiqi, 56 vjeç jetonte i vetëm. Policia po heton edhe pistën e vrasjes.

Një ditë para vrasjes ai ka patur grindje me disa persona për shkak të mbledhjes se kanaçeve për materiale të riciklueshme.

Ndërsa rrethanat e ngjarjes mbeten ende të paqarta, familjarët flasin për konfliktin me Emiljano Nazifi, person me precedent penalë.

“Im vëlla u kishte thënë mos i lini këtu thasët me kanaçe. Ata ishin grindur, e kishin goditur rëndë”, tregon motra e viktimës.

Ngjarja ka ndodhur në lagjen 6 të qytetit juglindor ndërsa pritet ekspertiza e mjekëve nga Tirana për përcaktimin e saktë të shkaqeve të vdekjes.

commentFirst article
Sot mund të lexoni Shfletoni kopertinat