Duke e cilësuar të paprecedent sulmin ndaj gazetares së kronikës Klodiana Lala, analisti Ilir Demalia thotë se media duhet të bojkotojë në mënyrë simbolike për tre ditë kryeministrin Rama.
Demalia: Unë mendoj që Shoqata e Mediave duhet ti bëjnë bllok tre ditë çdo lajmi të Edi Ramës, çdo lajmi të qeverisë së rilindjes.
Për Ora News, Demalia tha se gazetarët janë lajmës dhe lajmësi nuk është prekur as në luftë.
Sipas tij sulmi ndaj medias është nxitur dhe frymëzuar nga vetë kryeministri Rama me qasjen që ai në vijimësi ka pasur ndaj saj.
Demalia: Gazetarët janë lajmës dhe lajmësi që në kohët e lashta dhe me kodet zakonore nuk sulmohet. Kur është edhe luftë dhe vjen lajmësi, prehet lufta derisa të kalojë lajmësi. Sulmi ndaj fjalës së lirë përbën krim shumë të rëndë dhe nuk është rastësi në Shqipëri sepse vetë politika dhe vetë kryeministri Rama gjatë gjithë kësaj periudhe ka pasur një sulm të paprecedent, të pa moral dhe të pa principtë ndaj medias.
Media sigurisht ka defektet e saj por në asnjë mënyrë një kryeministër i një shtetit, një lider i një shteti nuk mund të sulmojë mediat duke i quajtur kazan. Kjo ka ardhur nga ankthi që Edi Rama ka pasur ndaj medias dhe që e ka, është munduar të eleminojë median dhe të blejë mediat në Shqipëri. E gjithë kjo pastaj krijon këtë atmosferë sepse vetë krimi i banditëve, cubave frikacakë që mundohen të kërcënojnë gazetarët për fjalën e lirë dhe të vërtetën tregon gjendjen e tyre të panikut por unë kam një sugjerim.Në asnjë mënyrë gazetarët nuk duhet të frikësohen.Frika është ajo që duan të bëjnë banditët.Nuk mendoj se bandidët dhe cubat e Rilindjes do t’ia arrijnë qëllimit.
Demalia thotë se sulmi ndaj gazetares erdhi pasi ajo publikoi përgjimin mes deputetit socialist dhe bandës së Emiljano Shullazit.
Demalia: Nuk e di nëse është Jurgis Cyrbja në këtë mes, bandidët e tij por di që pikërisht pasi Klodiana Lala zbuloi bashkëbisedimin e Cyrbes me bandidët e Shullazit dhe këtu vimë në atë që ky parlament duhet të shpërndahet urgjentisht. Kemi bandat e Shullazit, ky është parlament shullazësh.Arta Marku duhet ti fillojë hetimet nga vetja e saj, Prokuroria, sepse materiali ka dalë nga vetja e saj, Prokuroria.
Ne nuk kemi funksionim të institucioneve. Këto gjëra ndizen dhe shuhen se nuk funksionon sistemi dhe njerëzit lodhen. Sa skandale kemi pasur gjatëe këtyre 6 muajve me Saimir Tahirin, vëllain e Ministrit të Brendshëm etj, do harrohet dhe çështja e Klodianës. Por gazetarët duhet ta mbajnë flakën ndezur dhe duhet ti përgjigjen këtyre banditëve me zbulime të reja skandalesh.
