Partia Demokratike do të vijojë bojkotin e seancave plenare edhe këtë të enjte.
Burime për “Balkanweb” thanë se opozita e bashkuar do të mblidhet këtë të enjte në Vlorë, si mesazh rezistencës së bashkëqeverisjes me krimin, ndersa vendimi pritet te merret ne mbledhjen e grupit parlamentar te Partise Demokratike.
Opozita e bashkuar ka bojkotuar seancat plenare të këtij sesioni të ri parlamentar. Më 3 shtator opozita bojkotoi Kuvendin duke u zhvendosur në Shkodër, për të vijuar më pas në Elbasan e Durrës.
