Një zjarr i përmasave të mëdha ka shkrumbuar deri më tani një sipërfaqe prej rreth 12 hektarësh tokë me pemë frutore e ullinj në zonën e Finiqit.
Zjarri ra në orët e mbrëmjes në fshatin Mesopotam dhe dëmët janë të mëdha. 3 dynym ullinj janë shkatërruar, 2 ha tokë me shekë dhe 10 hektarë të tjerë më shkurre të ulëta gjithashtu janë djegur. Në zonë është djegur dhe një shtëpi e vjetër e pabanuar.
Për shuarjen e flakëve kanë ardhur zjarrfikëse nga tre vende, Delvina, Finiqi e Saranda. Madje edhe qytetarët e zonën ndihmuan zjarrfikëset për shuarjen e flakëve të mëdha.