Koleksionisti i njohur, Gjergji Thimio, deklaron se është kërcënuar me jetë nga dy persona, që sipas tij njihen si persona problematikë në Korçë.
Për Ora News, Thimio tregon se këta persona i kanë shkuar në galerinë e tij dhe e kanë kërcënuar.
Ai thotë se rastin e ka referuar në polici por askush nuk ka shkuar ta marrë në pyetje.
Thimio: Jeta ime është në rrezik sepse kam nxjerr fakte me prova zyrtare për vjedhjen e veprave të artit.Me futën në burg padrejtësisht. Ndërsa tani kërkojnë të më vrasin.
Në këto rrethana, koleksionisti Thimio thotë se do vazhdojë të qëndrojë i ngujuar në galerinë e tij pasi aty ndihet më i sigurt për shkak se ambjenti është i monitoruar nga kamerat e sigurisë.
"Kërkoj mbrojtje nga Ambasada amerikane" apelon Thimio.