Harxhi: ‘Telekom Serbia’ në Shqipëri, kërcënim për sigurinë kombëtare

Shqipëria

Harxhi: ‘Telekom Serbia’ në Shqipëri, kërcënim për sigurinë kombëtare

Më: 3 tetor 2018 Në ora: 17:19
Edith Harxhi

“Telekom Serbia” ka kërkuar zyrtarisht autorizimin e qeverisë shqiptare për të blerë “Telekom Albanian” . Mësohet se drejtuesit e “Telekom Serbia” kanë takuar këtë të mërkurë zyrtarët e lartë të Ministrisë së Infrastrukturës duke kërkuar nga qeveria pëlqimin për blerjen e “Telekom”-it.

Por e ftuar në “Top Talk”, Edith Harxhi, drejtuese e “Albanian Policy Center”, u shpreh se kjo nuk është një marrëveshje biznesi, por ajo cenon qytetarët shqiptarë dhe kërkoi nga Presidenti të mbledhë menjëherë Këshillin e Sigurisë Kombëtare.

Harxhi u shpreh se nuk duhet lejuar që të dhënat e shqiptarëve të bien në duart e serbëve.

“Nuk mendoj se është një marrëdhënie biznesi. Të dhënat telefonike, të dhënat personale të shqiptarëve do të kalojnë në duart e serbëve. Kjo është çështje e sigurisë shqiptare dhe për këtë nuk duhet ta lëshojmë. I kërkoj Metës të mbledhë Këshillin e Sigurisë Kombëtare. Nuk mund të kalojnë të dhënat e shqiptarëve në këtë mënyrë. I gjithë telekomunikacioni, të jenë në duart e fqinjëve tanë. Ky shtet nuk është as anëtar i NATO”, tha Harxhi.

commentFirst article
Sot mund të lexoni Shfletoni kopertinat