Atentati/ Zbulohet shkaku i sherrit, viktima ngacmoi Elvana Gjatën

Shqipëria

Atentati/ Zbulohet shkaku i sherrit, viktima ngacmoi Elvana Gjatën

Më: 5 tetor 2018 Në ora: 11:46
Elvana Gjata

Zbulohen të tjera detaje për ngjarjen e ndodhur mbrëmë në kryeqytet ku mbeti i vrarë një person dhe të plagosur dy të tjerë.

Burime të sigurta thanë për “BalkanWeb” se ‘molla e sherrit’ ka qenë këngëtarja Elvana Gjata. Këngëtarja ishte në shoqërinë e të dashurit të saj, një biznesmen i njohur kur disa persona, miq të Ervis Martinit e kanë ngacmuar duke provokuar sherrin dhe më pas palët kanë nxjerrë armët duke sjellë kasaphanën që ndodhi.

Prokuroria ka marrë në pyetje dhe këngëtaren Elvana Gjata për të zbuluar nëse ngjarja është vetëm për sherrin e çastit apo ka një prapaskenë për konflikte të mëparshme, mes dy grupeve rivale. Është një hetim i thelluar që pritet të zbardhë ngjarjen.

Fillimisht policia dha identitete të ndryshme për viktimën dhe të plagosurit. Kjo pasi në makinën e viktimës është gjetur një kartë identiteti me emrin Rigers Gaxha. Por sot pas hetimit më të plotë është konfirmuar se viktima është Fabiol Gaxha, 26 vjeç truprojë e Ervis Martini. Dyshohet se viktima është i përfshirë në trafik droge por mbetet për t’u konfirmuar nga hetimet e detajuara.

Deri në këto momente, policia nuk ka nxjerrë detaje për ngjarjen përveç një njoftimi të shkurtër pak minuta pas vrasjes mbrëmjen e kaluar. /Ballkanweb/

commentFirst article
Sot mund të lexoni Shfletoni kopertinat