Dy djem të moshës 27 e 28 vjeç nga Cremona u kthyen në shtëpi me shenja në fytyrë e krahë, ndërsa njëri kishte edhe një të çarë në gjoks.
U thanë familjarëve se ishin sulmuar e grabitur nga tre të huaj.
Duke përshkruar si ‘me shumë mundësi shqiptarë’ e të armatosur me mjete prerëse, dy italianët thanë se grabitësit i kërcënuan për t’u marrë paratë, por mundën t’u shpëtonin.
Megjithatë, karabinierët kuptuan që dy djemtë kishin shpikur gjithçka dhe i denoncuan për simulim krimi.
Telekamerat në Piazza Lodi, ku thanë se ndodhi ngjarja, nuk kanë regjistruar asnjë tentativë grabitjeje.
Shenjat në fytyrë e krahë janë pasojë e një sherri të dhunshëm pas një feste me bazë droge ku dy djemtë kishin qenë të pranishëm.
