Berisha publikon foton: Rama krah tatimorit të arrestuar

Shqipëria

Berisha publikon foton: Rama krah tatimorit të arrestuar

Më: 6 tetor 2018 Në ora: 14:27
Sali Berisha

Ish-Kryeministri Sali Berisha ka publikuar një fotografi të Kryeministrit Edi Rama i cili pozon krah një personi. Ky i fundit, siç shpjegon Berisha, është Gentjan Elezi, tatimori i arrestuar se u merrte ryshfet biznesmenëve.

“Po qe mik i Kallam Deshtakut je vetem hajdut! sb Ky ne foto eshte siçilisti Gentjan Elezi qe u arrestua sepse gjobiste bizneset”, shkruan Berisha në komentin që shoqëron fotografinë.

Ndaj Gentjan Elezit 29 vjeç dhe Artan Krojt 37 vjeç, të dy punonjës së Drejtorinë Rajonale të Tatim Taksave Tiranë, Gjykata e Durrësit vendosi masën e sigurimit personal arrest me burg pa afat. Dy zyrtarët akuzohen për “korrupsion pasiv dhe aktiv i personave që ushtrojnë funksione publike” si dhe “shpërdorim të detyrës”. Ata u arrestuan tre ditë më parë nga policia e Durrësit pas një hetimi proaktiv 3-mujor. Sipas hetimeve, dy të arrestuarit, në bashkëpunim edhe me një inspektor tjetër të shpallur në kërkim, shpërdoronin detyrën dhe ju merrnin ryshfet bizneseve gjatë inspektimit të tyre, shuma në vlera monetare që shkonin deri në 200.000 lek për çdo rast.

Edhe për Artan Krojin, PD ka akuzuar se ka lidhje me zyrtarë të lartë socialistë.

Image
commentFirst article
Sot mund të lexoni Shfletoni kopertinat