Policia e Matit ka marrë në mbrojtje familjen e Kujtim Koxhës, autorit të vrasjes së 3 punonjësve të Bashkisë dhe plagosjen e një tjetri pasditen e sotme në fshatin Shillë.
51 vjeçari Koxha pas një debati me punonjësit e Bashkisë që kishin shkuar në fshat për rikonstruksionin e rrugës, ka marrë kallashin dhe në momentin kur ata kanë qenë duke drekuar në lokal i ka qëlluar me breshëri plumbash duke lënë të vdekur Mentor Hoxhën, Hamit Buçin dhe Erzen Aliajn. Ndërkohë është plagosur Astrit Hani, i cili po merr trajtim në Spitalin e Burrelit.
Për të shmangur ndonjë hakmarrje të mundshme të familjarëve të personave që kanë ndërruar jetë është marrë dhe masa e mbrojtjes ndaj familjarëve.
Kujtim Koxha është kryeplak i fshatit Shëlli si dhe kryetar i Partisë Socialiste po i këtij fshati.
