“Shqipëria ka bërë shumë në dekadat e fundit për të rritur të ardhurat për frymë të familjeve shqiptare dhe po ashtu është e kuptueshme që ka shumë për të bërë”, deklaroi sot Komisioneri për Mbrojtjen nga Diskriminimi në ditën Ndërkombëtare për Zhdukjen e Varfërisë.
Komisioneri për Mbrojtjen nga Diskriminimi thekson se është e qartë që aty ku ka varfëri do të ketë edhe padrejtësi sociale.
“Të dhënat e zyrës së Komisionerit për Mbrojtjen nga Diskriminimi dëftojnë se varfëria dhe diskriminimi në disa forma është një binom i pashmangshëm dhe se për të luftuar mos tolerancën dhe barazinë në shoqërinë tonë, po ashtu duhet punuar për të zhdukur varfërinë”, shprehet KMD,
Po ashtu, zyra e KMD është një derë e hapur për të gjithë njerëzit dhe organizatat, bizneset dhe institucionet që janë të gatshme që me veprimet e tyre të koordinohen për të ulur pabarazinë në vend. /ATSH