Studimi: 5 mijë fëmijë shqiptarë trafikohen në BE

Shqipëria

Studimi: 5 mijë fëmijë shqiptarë trafikohen në BE

Më: 22 tetor 2018 Në ora: 20:21
Ilustrim

Mbi 5 mijë fëmijë shqiptarë rezultojnë të trafikuar në vendet e Bashkimit Europian. Të dhënat alarmante bëhen publike nga Europol.

Organizata Europiane thekson se prindërit janë në dijeni të këtyre rasteve, por gjendja e vështirë ekonomike e tyre e bën të vështirë parandalimin e këtij fenomeni.

Altin Hazizaj: Fëmijët e vegjël po shfrytëzohen si për qëllime të shfrytëzimit seksual ashtu dhe për qëllime të shfrytëzimit ekonomik.

Sipas Europol, fëmijët e trafikuar apo të kontrabanduar janë të moshës 12-15 vjeç.

Në këto kushte, Drejtori i Qendrës për Mbrojtjen e të Drejtave të Fëmijëve Altin Hazizaj apelon qeverinë për më shumë masa.

Altin Hazizaj: Të bëjmë një shqyrtim serioz pse vazhdon Shqipëria ende të jetë vendburim trafikimi. Policia dhe Ministria e Brendshme kanë nevojë të shikojnë trafikimin e fëmijëve si pjesë të luftës që ata janë duke zhvilluar për trafikun ndërkombëtar të drogave etj. Qeveria ka për detyrë të caktojë burime të mjaftueshme financiare për shërbime për viktimat.

Shqipëria nuk ka ende të dhëna të sakta lidhur me këtë fenomen shqetësues, të vetmet statistika janë ato të Qendrës Vatra në Vlorë sipas së cilës vetëm përgjatë vitit të kaluar u shënuan 45 raste të reja të trafikimit.

commentFirst article
Sot mund të lexoni Shfletoni kopertinat