Dhjetëra përfaqësues të shoqërisë civile u mblodhën para Kryeministrisë në protestë për të kërkuar transparencë në bisedimet me Greqinë për marrëveshjen e detit.
Duke u nisur nga deklaratat se shtetit fqinj do të zgjerojë kufirin detar me 12 milje, i kërkuan Presidentit Meta të mbledhë Këshillin e Sigurisë Kombëtare.
Mirela Jorgo:"Insistojmë fort që Presidenti të mbledhë menjeherë Këshillin e Sigurisë dhe të bëhet zbardhja e marrëveshjes".
Aktivistët kërkuan nga kryeministri Rama dhe Ministri i Jashtëm Ditmir Bushati, që të japin përgjigje për një çështje që u takon të gjithëve.
Mirela Jorgo: "Të bëhet publike marrëvehsja e detit nga ana e kryeministrit Edi Rama".
Pas tubimit që zgjati rreth 30 minuta, përfaqësuesit e shoqërisë civile paralajmëruan një tjetër protestë pas 10 ditësh, nëse nuk do të bëhen të ditura pikat e bisedimeve mes dy shteteve.