Ish-ministri i Brendshëm, Saimir Tahiri, pas një heshtje disamujore, ka njoftuar një dalje urgjente përpara mediave nesër në 10:30 të mëngjesit.
Burime pranë ish-ministrit nuk pranuan të japin detaje, por thanë se gjithçka do të mbetet surprizë deri në momentin e fundit.
Dalja për mediat e Tahirit do të jetë në një sallë konferencash të një prej hoteleve të njohura në Tiranë. Ish-ministri i Brendshëm ka qëndruar i distancuar nga mediat që prej dorëzimit të mandatit të deputetit në maj të këtij viti, për të qenë i gatshëm për t'u përballur me akuzat e drejtësisë për trafik droge me Habilajt.