Kreu i PD-së Lulzim Basha ka reagua për dorëheqjen e ministrit të Brendshëm Fatmir Xhafaj.
Ai përmes një postimi në Facebook thotë se, me Fatmir Xhafën krimi vuri nën kontroll të policisë dhe prokurorisë.
“Largimi i Fatmir Xhafës, të vetmit ministër të brendshëm në Europë me vëllain trafikant droge, është një hap i rëndësishëm në betejën tonë për të pastruar politikën nga krimi. Me Fatmir Xhafën krimi vuri nën kontroll të plotë policinë dhe prokurorinë. Por largimi i tij është vetëm fillimi i shkërmoqjes së bashkëqeverisjes së Edi Ramës me krimin. Beteja për çlirimin e politikës, ekonomisë dhe shoqërisë nga krimi do të vazhdojë deri në fitore. Shqiptarët meritojnë një qeveri që punon për njerëzit”, shkruan Basha.
