Pas aksionit të pastrimit në qytet, nxënësit e Gjimnazit ‘Abaz Shehu’ në Tepelenë, kanë vazhduar me pastrimin e luginës së Vjosës për të treguar se pastrimi për ta është një prioritet.
Së bashku me disa fondacione, nxënësit e këtij gjimnazi të shoqëruar edhe nga drejtuesit, kanë pastruar mbetjet plastike në luginën e Vjosës.
Në orën e Shërbimit Komunitar përveç punës në terren, nxënësit ndërgjegjësohen për mbrojtjen e natyrës dhe hedhjen e mbeturinave në vendin e duhur, duke dhënë një mesazh të qartë në komunitet. /ATSH
