Një muaj e gjysmë pasi vetting-u u kthye në “shtëpi”, do të shkojë sërish te Pallati i Kongreseve.
Seancat dëgjimore do të zhvillohen sërish te Pallati i Kongreseve dhe jo te ndërtesa e Lidhjes së Shkrimtarëve.
Shkak i kthimit pas janë ambientet e pamjaftueshme, sallat e vogla dhe fakti se këto salla nuk mjaftojnë që procesi të monitorohet edhe nga publiku.
Një burim zyrtar i tha gazetares Anila Hoxha se seanca e radhës do të zhvillohet në Pallatin e Kongreseve.
Seanca e radhës është të premten, në datën 9 nëntor, ku para KPK-së do të dalë prokurori Ramadan Troci, kandidat për në Këshillin e Lartë të Prokurorisë.
Pas Trocit ngelen nga KLP-ja për t’u kontrolluar edhe dy kandidatë që janë Besnik Cami dhe Shpëtim Kurti.
