Parlamenti Evropian ka refuzuar të diskutojë çështjen e Kacifas. Vendimi është marrë pas propozimit të eurodeputetit grek Notis Marias që vrasja e Kacifas nga RENEA të diskutohej në PE.
Teksa u hodh në votim kjo kërkesë e eurodeputetit, duket se shumica ka qenë kundër diskutimit të çështjes së Kacifas. Kështu, 200 deputetë votuan kundër dhe vetëm 48 pro.
Sipas palës greke, vrasja e Kacifas nga RENEA ishte një shkelje e të drejtave të minoritetit grek në Shqipëri. Kujtojmë se vrasja e minoritarit grek shkaktoi tension mes Shqipërisë dhe Greqisë dhe replika të shumta mes personaliteteve shqiptare dhe atyre greke.
