Ekzekutimi mafioz në Shkodër ka sjellë reagimin e ashpër të ish kryeministrit Sali Berisha, i cili shkruan në rrjetin social se pasi maskat vranë një biznesmen dhe plagosën një tjetër, janë larguar drejt organizatës kriminale “Rilindja”.
Berisha shkruan se maskat goditën sërish falë operacionit “Forca e Krimit”, një ironi kjo për operacionin e ngritur “forca e ligjit”, e ngritur në këmbë nga ish Ministri i Brendshëm Fatmir Xhafaj.
Statusi i Berishës:
Operacioni “forca e krimit” godet perseri ne Shkoder!
Maskat ekzekutojne ne mes te tregut te qytetit nje biznismen dhe plagosin rende nje tjeter . Maskat largohen per ne mbledhjen e organizates kriminale Rilindja.
Do takohen me Ditzi Bushatin per te degjuar porosite e Kallam Deshtakut per konkurrencen me kallashnikov. sb
NGJARJA NË SHKODËR
Mesditën e sotme një ngjarje e rëndë tronditi qytetarët në Shkodër, ku pas një atentati me armë humbi jetën një person dhe një tjetër mbeti i plagosur.
Në lagjen "Partizani", në afërsi të zonës së njohur si Markata, humbi jetën pas një atentati Fatos Ferracaku, ndërsa mbeti i plagosuri Fatmir Mehaj.
Mësohet se të dy personat ishin tregtarë peshku në Shkodër.
Ndërsa Ferracaku është kushëri i afërt me biznesmenin Arjan Ferracaku, i vrarë më 1 shtator në një atentat.
Fatos Ferracaku është djali i xhaxhait të Kujtim Ferracakut, babai i 31-vjeçarit që u vra mbi kalë.
Kjo ngjarja ka ndodhur vetëm pak metër larg zonës ku në janar të vitit 2018 iu vendos tritol Lulzim Kullës, i njohur ndryshe si i forti i Shkodrës.
Policia bëri me dije se në zonën e Livadhes në Dobrac është gjetur një motocikletë e djegur, e cila dyshohet se i përket autorëve.