Në kuadër të bashkëpunimit të shkëlqyer midis Bashkimit të Dhomave të Tregtisë dhe Industrisë së Shqipërisë dhe Dhomës së Tregtisë dhe Industrisë së Serbisë, Presidenti i Dhomës së Tregtisë dhe Industrisë së Serbisë, Marko ?adež organizoi mbrëmjen e sotme një pritje në kryeqytet me rastin e 15 vjetorit të pjesëmarrjes së Serbisë në Panairin Ndërkombëtarë të Tiranës.
Kryetarja e Bashkimit të Dhomave të Tregtisë dhe Industrisë së Shqipërisë , Ines Munçostepa vuri në dukej rritjen e bashkëpunimit në fushën e tregtisë dhe nxitjen e investimeve.
Ajo tha se dy vitet e fundit kanë qenë shumë dinamikë në shkëmbimet e informacioneve në njohjen, lidhjen, vendosjen e bashkëpunimit të firmave në fusha të ndryshme si ato ushqimore, logjistike, turizëm, import dhe eksport.
Volumi tregtar i shkëmbimeve me Serbinë gjatë dy viteve të fundit është 222 milionë euro, duke pasur një rritje prej 35% krahasuar me vitin 2016”, theksoi Muçostepa duke shtuar se , “eksportet drejt Serbisë u rritën me 12 % krahasuar me vitin 2016 me një vlerë prej 36 milion euro|.
I njëjti trend në rritje ka vijuar tha ajo , edhe për vitin 2018 , ku për gjysmën e parë të vitit 2018 volumi I shkëmbimeve tregtare më Serbinë është rritur me 7 % krahasuar me të njëjtën periudhë të vitit 2017 si dhe shkëmbimet tregtare pothuaj në të gjitha zërat dominohen ndjeshëm nga importet.
Kreu I Dhomës së Tregtisë dhe Industrisë së Serbisë e konsideroi të rëndësishme pjesëmarrjen e bizneseve nga fusha të ndryshme në këtë Panairi për promovim dhe rritjen e bashkëpunimit mes bizneseve.
Panairi Ndërkombëtar KLIK EKSPO GROUP & Tirana International Fair do të mbledhë përgjatë 4 ditëve në Pallatin e Kongreseve sipërmarrës nga rajoni dhe bota duke e kthyer Tiranën, në kryeqendër të biznesit dhe kulturës. /ATSH
