Gjykata e Tiranës ka marrë vendimin për një nga militantët e Partisë Demokratike, që tentoi të qëllonte me vezë kryebashkiakun Erion Veliaj. Ky i fundit, po shkonte në një dëgjesë të organizuar me artistët për çështjen e teatrit.
Oleg Gora është dënuar me 50 mijë lekë gjobë për kryerjen e veprës “Prishje të qetësisë publike”.
“Gjykata, bazuar në nenin 274 te K.Penal, e gjen fajtor te pandehurin Oleg Gora për kryerjen e kundërvajtjes penale të “Prishje e qetësisë publike”. Nisur nga sa më sipër gjykata vëren se, rrethanat e mësipërme, në kompleksitet janë të tilla që, bazuar në nenin 406/a te K.Pr.Penale lejojnë miratimin e kërkesës së prokurorit për miratimin e urdhrit penal. Për pasojë, Gjykata çmon se dënimi i të pandehurit Oleg Gora me 50 000 lekë gjobe, për kryerjen e kundërvajtjes të “Prishje e qetësisë publike””, citohet në vendimin e gjykatës.