Kryeministri Edi Rama ka reaguar sërish për projektin e zgjerimit të Unazës së Re dhe protestat e banorëve që kundërshtojnë shëmbjen e shtëpive.
Përmes një statusi në facebook, kreu i qeverisë garanton se nuk ka asnjë shans që paligjshmëria të dëmshpëblehet, duke nënkuptuar se asnjë banesë që nuk ka dokumentacion nuk do të kompensohet nga shteti
Përmes një video ku sqarohet situata ligjore në Unazën e re, kreu i qeverise shkruan se janë shfaqur edhe zaptues të pronës publike
“MIRËMËNGJES
dhe me këtë pasqyrë sqaruese të situatës ligjore në Unazën e Re, ku ndër ata që e quajnë veten në “proces legalizimi”, janë shfaqur edhe një kategori e panjohur më parë e zaptuesve profesionistë të trojeve publike a private, ju siguroj se s’ka asnjë shans që paligjshmëria të dëmshpërblehet me taksat tuaja dhe ju uroj një ditë të mbarë”, shkruan Rama
Qeveria ka hartuar një plan ku të gjithë pronarët që prekën nga unaza e re do të shpronësohen 100% ndërsa ata që nuk kanë dokumente, do t’u paguhet qira për 3 vjet dhe do kenë përparësi në banesat sociale
Banorët e zonës së Astirit do të vazhdojnë edhe sot protestën, por ketë herë përpara Parlamentit. Ata do të mblidhen në orën 10:00, kur edhe fillon seanca plenare.
Në ditën e 19, ata protestojnë kundër projektit të zgjerimit të rrugës së Unazës së Madhe që do tu kushtojë atyre prishjen e banesave. Protesta mbështet edhe nga opozita.
