Në ditën e 8 të protestës së studentëve, kryeministri Edi Rama ka nisur të shkarkojë përfaqësues të qeverisë në mënyrë massive.
Sipas burimeve të ABC News, kryeministri Edi Rama ka shkarkuar anëtarët e caktuar nga qeveria në Bordet e Administrimit të Universiteteve.
Rama e pati paralajmëruar shkarkimin e tyre në monologun e tij të ditës së hënë, duke thënë se atat do të shkarkohen që të gjithë.
Kujtojmë se disa minuta më parë në kryeministri është parë dhe Ministrja e Arsimit Lindita Nikolla, e cila ka qëndruar një kohë në godinën e drejtuar nga Rama. Ende nuk është mësuar se për çfarë është diskutuar, por duket se në ditën e tetë të protestës do të ketë lëvizje nga ana e qeverisë, kjo pasi kërkesa e Ramës për dialog është refuzuar vazhdimisht nga studentët.
Një ndër kërkëesat e studentëve ka qenë pikërisht shtimi i numrit të studentëve në bordet e administrimit të Universiteteve dhe mesa duket kryeministri ka nisur një strategji të plotësimit të disa kushteve për të patur kësisoj më shumë avantazh ndaj protestuesve.
