Sot në Are ka qenë ditë e skiatorëve të Norvegjisë! Kjetil Jansrud nga Norvegjia zuri vendin e parë në disiplinën e lëshimit në Kampionatin Botëror.
Ai arriti në cak me kohë të kaluar për 1:19.98 dhe u stolis me medalje të artë. Jansrud ka qenë më i shpejt për 2 qindtat e sekondës se vendi i dytë, bashkëkombësi i tij Aksel Lund Svindal. Me një fjalë ka qenë luftë e ashpër për medalje të artë, megjithatë Svindal u desh të kënaqet me medalje të argjendtë, për faktin se për një fije të flokut i ikë vendi i parë.
Austriaku Vincent Kriechmayr fitoi medaljen e bronztë, i cili zuri vendin e tretë dhe me kohë më të dobët për 33 qindtat se Jansrud. Skiatori i kombëtares së Kosovës, Albin Tahiri, renditet në vend të 55-të me një kohë shumë të dobët, për 5 sekonda e 86 qindtat nga fituesi i garës.
Rezultatet
1. Kjetil Jansrud (Norvegjia) 1:19.98
2. Aksel Lund Svindal (Norvegjia) +0.02
3. Vincent Kriechmayr (Austria) +0.33
4. Beat Feuz (Zvicra) +0.44
5. Matthias Mayer (Austria) +0.65
6. Dominik Paris (Italia) +0.74
7. Benjamin Thomsen (Kanada) +0.75
8. Aleksander Aamodt Kilde (Norvegjia) +0.82
9. Bryce Bennett (SHBA) +0.83
9. Mauro Caviezel (Zvicra) +0.83