Norvegjezi Henrik Kristoffersen shënoi fitore të madhe në sllallom të madh, që u mbajt në Qendrën e Skive në Bansko të Bullgarisë.
Skiatori norvegjez zuri vendin e parë me kohë të kaluar për 2:26.87 dhe kishte kohën për 4 qindtat më të mirë se kampioni në fuqi i botës, austriaku Marcel Hirscher! Rivalitet i madh dhe për një fije të flokut Kristoffersen ngadhënjeu. Ndërkaq, francezi Thomas Fanara arriti në podium përkatësisht në pozitën e tretë, me kohë më të ngadalshme për 39 qindtat se fituesi i garës dhe për 10 qindtat e la pas vetes bashkëkombësin Alexis Pinturault.
Në renditjen e sllallomit të madh, Hirscher udhëheq me 620 pikë, pasojnë Kristoffersen (402), Pinturault (326) etj. ndërsa në renditjen e përgjithshme të Kupës së Botës Hirscher prinë bindshëm me 1408 pikë, pasojnë Pinturault (918), Kristoffersen (808) etj.
Rezultatet
1. Henrik Kristoffersen (Norvegjia) 2:26.87
2. Marcel Hirscher (Austria) +0.04
3. Thomas Fanara (Franca) +0.39
4. Alexis Pinturault (Franca) +0.49
5. Zan Kranjec (Sllovenia) +0.66
6. Matts Olsson (Suedia) +1.00
7. Rasmus Windingstad (Norvegjia) +1.67
8. Marco Odermatt (Zvicra) +1.84
9. Tommy Ford (SHBA) +1.89
10. Leif Kristian Haugen (Norvegjia) +2.18
