Skiatorja francez, Alexis Pinturault, ishte në ditën më të mirë dhe ngadhënjen në disiplinën e sllallomit të madh, që u mbajt në Garmisch-Partenkirchen të Gjermanisë.
Ai tregoi rrëshqitje më të mirë, duke e zënë vendin e parë me kohë të kaluar për 2:03,10 minuta. Zvicerani Loic Meillard arriti në vend të dytë me kohë më të dobët për 16 qindtat se fituesi i garës por me kohë më të mirë për 8 qindtat se pozita e tretë, norvegjezi Leif Nestvold-Haugen.
Kroati Filip Zubçiç ka qenë befasia më e madhe, duke arritur në pozitën e katërt dhe me kohën më të mirë për 17 qindtat se skiatori slloven, Zhan Kranjec.
Norvegjezi Henrik Kristoffersen nuk ishte në ditën e tij dhe përfundoi në pozitën e shtatë me 79 qindtat e kohës më të dobët se Pinturault. Në renditjen e sllallomit të madh, Kranjec prinë me 315 pikë, pasojnë Henrik Kristoffersen (289), Alexis Pinturault (272), ndërsa në renditjen e përgjithshme të Kupës së Botës, Henrik Kristoffersen udhëheq me 877 pikë, i përcjellur nga Pinturault me 822 pikë, Kilde 820 pikë etj.
Meshkujt
1. Alexis Pinturault (Franca) 2:03,10
2. Loic Meillard (Zvicra) +0,16
3. Leif Nestvold-Haugen (Norvegjia) + 0,24
4. Filip Zubçiç (Kroacia) +0,35
5. Zhan Kranjec (Sllovenia) +0,52
6. Aamodt A. Kilde (Norvegjia) +0,54
7. Henrik Kristoffersen (Norvegjia) +0,79
8. Victor Muffat-Jeandet (Franca) +0,80
9. Stefan Luitz (Gjermania) +1,00
10. Gino Caviezel (Zvicra) +1,06
