Noel fantastik, fiton medaljen e artë në sllallom

Skijim

Noel fantastik, fiton medaljen e artë në sllallom

Nga: Kemajl Goca Më: 16 shkurt 2022 Në ora: 08:23
Noel fantastik, fiton medaljen e artë në sllallom

Clement Noel është fitues i medaljes së artë në disiplinën e sllallomit në Lojërat Olimpike Dimërore Pekin 2022.

Francezi ka bërë mrekulli në rrëshqitjen e dytë, duke arritur në vend të parë me kohë të kaluar për 1:44,09 minuta.

Ai në rrëshqitjen e parë përfundoi në vend të gjashtë me 38 qindtat e kohës më të dobët se austriaku Johannes Strolz, por në grahjen e dytë ka qenë fantastik.

Image

Johannes Strolz fiton të argjendtën

Medaljen e argjendtë e fitoi Johannes Strolz duke ngecur për 61 qindtat se fituesi i garës. 

Norvegjezi Sebastian Foss-Solevaag ia doli të ruajë vendin e tretë dhe fiton medaljen e bronztë. 

Image

Sebastian Foss-Solevaag fiton të bronztën

Ai në rrëshqitjen e parë përfundoi në vend të tretë, pozitë që e ruajti edhe në grahjen e dytë, duke mbetur për 70 qindtat e sekondës pas Noelit.

Norvegjezi Hennrik Kristoffersen i pafat, mbetet pa medalje duke përfunduar në pozitën e 4-të për 9 qindtat pas bashkëkombësit të tij Sebastian Foss-Solevaag.

Kristoffersen ka qenë më i mirë në rrëshqitjen e parë duke përfunduar i dyti me 2 qindtat nga pozita e parë por në grahjen e dytë nuk i shkoi ashtu si duhet dhe ngeci në pozitën e katërt.

commentFirst article
Sot mund të lexoni Shfletoni kopertinat