Nuk e fsheh zhgënjimin 

Skijim

Nuk e fsheh zhgënjimin 

Nga: Kemajl Goca Më: 19 shkurt 2022 Në ora: 12:45
Mikaela Shiffrin

Dështimi në sllallomin e madh, sllallom dhe gjithashtu në superkombinim në Lojërat Olimpike Dimërore Pekini 2022, padyshim se do të mbesin si pika më e zezë për skiatoren amerikane Mikaela Shiffrin. 

Ajo i nisi garat si favorite e madhe për medalje të artë, por përfundoi duarbosh. I rrodhën lotët nga dëshpërimi. 

Ajo nuk ka mundur dhe nuk ka dashur ta fshehë zhgënjimin e saj në intervista, duke vënë në pikëpyetje të gjithë karrierën e saj para syve të botës së sportit.

Shqetësimi i saj, kur të enjten ajo ndau mesazhet e urrejtjes që mori pas dështimeve në Yanqing. "Nuk e përballoj dot presionin", "arrogante", "ke atë që meriton"...kështu iu drejtuan disa komentues. 

"Urrejtësit nuk e meritojnë kohën tuaj", ka shkruar Shiffrin.

 “Mos u dërgoni mesazhe atyre që të urrejnë. Ata nuk e meritojnë kohën tuaj. Vazhdo. Ngrihu dhe bëj gjënë tënde. Kjo është e bukur", ka thënë skiatorja amerikane. 

“60 për qind e dështimeve të të gjithë karrierës sime ndodhën këtu në këto Lojëra Olimpike,” llogarit ajo. “Ndoshta duhet të ndalem”, tha ajo me shaka të enjten.

commentFirst article
Sot mund të lexoni Shfletoni kopertinat