Skiatori gjerman, Felix Neureuther, shënoi fitoren e parë në edicionin e ri. Ai triumfoi në disiplinën e sllallomit e cila u zhvillua në Qendrën e Skive në Levi të Finlandës. Neureuther zuri vendin e parë me kohë të kaluar për 1:42.83 apo ka qenë më i shpejt për 37 qindtat e sekondës se norvegjezi Henrik Kristoffersen. Gjermani fitoi 100 pikët e para në Kupën e Botës, ndërkaq Kristoffersen ka qenë për tetë qindtat më i shpejt se pozita e tretë, Mattias Hargin nga Suedia. Skiatorët zviceran edhe pse treguan paraqitje të mirë asnjëri nga ta nuk arriti në podium, por ishin në dhjetëshin e parë.
Skiatorët zviceranë Daniel Yule dhe Luca Aerni arritën në vend të katërt me kohë me të dobët për 54 qindtat se fituesi i garës. Zvicerani Loic Meillard zuri vendin e gjashtë me kohë më të ngadalshme për 71 qindtat se Neureuther. Zvicerani tjetër Reto Schmidiger renditet në vend të dhjetë, me kohë më të ngadalshme për 93 qindtat se vendi i parë. Pretendenti kryesor për të fituar këtë garë, kampioni i botës në fuqi Marcel Hirsher, e mbylli garën në vendin e 17-të, pas një gabimi që bëri. Gabimi erdhi për shkak të temperaturave të ulëta, që e bënë pistën të akullt me kalimin e kohës. Për Neureuther, ky është triumfi i 13-të në garat e Kupës së Botës, që rikthehet te fitorja pas 20 muajsh.
Rezultatet, meshkujt
1. Felix Neureuther (Gjermania) 1:42.83
2. Henrik Kristoffersen (Norvegjia) 0.37
3. Mattias Hargin (Suedia) 0.45
4. Daniel Yule (Zvicra) 0.54
5. Luca Aerni (Zvicra) 0.54
6. Loïc Meillard (Zvicra) 0.71
7. Sebastian Foss-Solevaag (Norvegjia) 0.75
8. Alexis Pinturault (Franca) 0.88
9. Manfred Mölgg (Italia) 0.90
10. Reto Schmidiger (Zvicra) 0.93