Austriaku Marcel Hirscher ka treguar klasin e tij dhe fitoi në disiplinën e sllallomit të madh në Kupën e Botës, në garën që u mbajt në Val D’isere të Francës. Austriaku në stilin e kampionit të botës, zuri vendin e parë bindshëm, me kohë të kaluar për 1:44.17 apo me kohën më të shpejt për një sekondë e 18 qindtat se norvegjezi Henrik Kristoffersen.
Ndërkaq, suedezi Matts Olsson renditet në pozitën e tretë me kohë më të dobët për një sekondë e 31 qindtat dhe ka lënë pas vetes për 15 qindtat francezin Alexis Pintauralt. Për austriakun Hircsher ka qenë fitorja e 60-të në Kupën e Botës, e 29-ta në sllallomin e madh.
Në renditjen e përgjithshme të Kupës së Botës, Hirscher udhëheq me 280 pikë, pasojnë Franz (238), Caviezel (227) etj. ndërsa në sllallomin e madh Hirscher prinë me 180 pikë apo 50 më shumë se Kristoffersen.
Rezultatet
1. Marcel Hirscher (Austria) 1:42.99
2. Henrik Kristoffersen (Norvegjia) +1.18
3. Matts Olsson (Suedia) +1.31
4. Alexis Pintauralt (Franca) +1.46
5. Loic Meillard (Franca) +1.54
6. Tommy Ford (SHBA) 1,69
7. Marco Odermatt (Zvicra) 1,72
8. Riccardo Tonetti (Italia) 1,79
9. Zan Kranjec (Sllovenia) 2,10
10. Mathieu Faivre (Franca) 2,16