Ministria e Shëndetësisë do të shënojë sot Ditën Ndërkombëtare të Personave të Moshuar.
Në një njoftim për media bëhet e ditur se kjo ditë, këtë vit do të shënohet me moton “Merr qëndrim kundër përbuzjes ndaj të moshuarve”.
“Me këtë rast do të bëhet prezantimi i dokumentit të OBSH-së "Strategjia dhe Plani i Veprimit për Moshim të Shëndetshëm në Evropë, 2012 – 2020" dhe i i broshurës “Fakte: Keqkuptimet rreth moshimit dhe shëndetit” i publikuar nga Instituti Kombëtar i Shëndetësisë Publike i Kosovës (IKSHPK)”, thuhet më tej në njoftim.
Ngjarja nis në orën 11:00 në Institutin Kombëtar të Shëndetësisë Publike të Kosovës (IKSHPK).
