Aleanca e Gruas së Kosovës ka reaguar ndaj dhunës së ushtruar ndaj vajzës 16 vjeçare në Komunën e Rahovecit.
Përmes një shkrimi, kryetarja Magbule Shkodra ka thënë se kjo aleancë e dënon dhunë dhe se dhuna nuk arsyetohet asnjëherë, përcjell Bota Sot.
Shprehim kundërshtimin dhe indinjatën e thellë lidhur me dhunën familjare të ushtruar ndaj vajzës në fshatin Ratkoc komuna e Rahovecit.
Është e pa pranueshme dhe nuk duhet të tolerohet nga askush, dhuna në shoqërinë tonë. Nuk ka asnjë arsyetim dhuna. Kërkojmë nga institucionet relevante që të ndërrmarin të gjitha masat e nevojshme që një gjë e tillë kurrë të mos përsëritet.
Inkurajojmë qytetarët e Republikës së Kosovës që rastet e dhunës t’i raportojnë dhe të kërkojnë veprim të institucioneve të shtetit.Shoqëria jonë nuk mund të ecën drejt zhvillimit me heshtje dhe mos reagim ndaj dhunës', ka thënë Magbule Shkodra, kryetare e Aleancës së Gruas së Kosovës-AAK./BS/