Reshjet e shiut që kanë rënë gjatë ditës së djeshme në vendin tonë, ia kanë vështirësuar edhe më shumë jetën familjes së Mejdi Haxhi Krasniqit, nga fshati Smallush i Lipjanit.
Kjo familje po përballet me kushte të rënda ekonomike, mirëpo vërshimet e djeshme e kanë bërë edhe më të vështirë gjendjen e saj.
Kjo pasi uji ia ka prishur të gjitha gjësendet brenda shtëpisë, duke deportuar në brendësi të saj.
Kryefamiljari Mejdi Krasniqi, ka thënë për “Bota sot” se familja e tij ka nevojë për ndihmë prej A deri në Zh.
Ai ka treguar se edhe vet vuan nga një sëmundje psikike, derisa fëmijët e tij e kanë gjendjen të rënduar me temperaturë.
Krasniqi ka apeluar te të gjithë humanistët që kanë mundësi, që të ndihmojnë familjen e tij duke thirrur në numrin e tij të telefonit: 045 910351.