Kanada, hera e 13-të që shfaqet një këmbë njeriu në breg, edhe kjo me atlete - Bota Sot
Kanada, hera e 13-të që shfaqet një këmbë njeriu në breg, edhe kjo me atlete

Speciale

Kanada, hera e 13-të që shfaqet një këmbë njeriu në breg, edhe kjo me atlete

Më: 17 janar 2019 Në ora: 21:42
Kanada

Një këmbë njeriu me atlete vrapimi është shfaqur në brigjet e British Columbia-s, në Kanada, dhe nuk është aspak ngjarje e rrallë. Ka ndodhur plot 13 herë në 10 vitet e fundit, dhe të gjitha këmbët kanë qenë me atlete.

Njerëzit kanë nisur të dyshojnë se bëhet fjalë për ndonjë vrasës në seri që shënjestron personat që dalin për vrap në zonën pranë. Të tjerë mendojnë se ndoshta bëhet fjalë për ndonjë grup mafioz. Por autoritetet nuk duken dhe aq të bindur se bëhet fjalë për krime.

Sipas policisë, këmbët nuk kanë shenja prerjesh, dhe gjasat janë që të jenë këputur me kalimin e kohës nga kufomat e nejrëzve që hidhen nga ura “Pattullo Bridge”, ku kanë ndodhur jo pak vetëvrasje dhe trupat i ka marrë lumi, pa u gjetur dot nga autoritetet.

Në fakt, nga 13 këmbët që janë gjetur, të gjitha janë analizuar, dhe dy prej tyre u ka përkuar ADN-ja me dy persona që mendohet se janë zhdukur duke kryer vetëvrasje te ura famëkeqe.

Por as skeptikët nuk binden, pikërisht nga fakti që në të 13 rastet bëhet fjalë për këmbë, jo gjymtyrë të tjera, dhe të gjitha janë me atlete sportive.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...