Perandori që mori me vete në varr, një ushtri të tërë

Speciale

Perandori që mori me vete në varr, një ushtri të tërë

Më: 19 qershor 2019 Në ora: 09:01
Ushtria legjendare prej balte e perandorit të parë kinez, Qin Shi Huang.

Djersa i rrjedh poshtë nga fytyra Yang Zhifas, teksa përpiqet të punojë tokën e fortë. Eshtë viti 1974 dhe për javë të tëra provinca qendrore kineze e Shaanxisë është goditur nga thatësira.

Ndërkohë që kërkon për ujë, fermeri godet në dicka të fortë. Ai vazhdon të gërmojë, duke zbuluar më pas supin e një figure prej balte. Ajo që Yangu nuk e kupton, është se sapo ka bërë zbulimin më të madh arkeologjik të shekullit 20-te.

Ushtria legjendare prej balte e perandorit të parë kinez, Qin Shi Huang.

Historianët vlerësojnë se perandori nisi ta ndërtojë mauzoleumin e tij pasi mori fronin në vitin 221 kur ishte vetëm 13 vjec. 700 mijë punëtorë u detyruan të punojnë për 30 vite duke gërmuar. Në fund, kompleksi i varrit të perandorit ishte 90 kilometra katrorë, i madh sa Manhatani.

Përse e gjithë kjo? Qin SHi Huang donte që ta merrte me vete perandorinë e tij në botën e nëndheshme; ai kishte parashikuar që të varrosej bashkë me pallate model, kuaj, karroca dhe ushtarë prej balte. Nga frika e rreziqeve që do i kanoseshin në botën e përtejme, perandori ndërtoi një ushtri të armatosur me më shumë se 8000 ushtarë prej balte me përmasa reale.

commentFirst article
Më të lexuarat
Sot mund të lexoni Shfletoni kopertinat