​Një ekzemplar i rrallë i leopardit u kap në Irak

Speciale

​Një ekzemplar i rrallë i leopardit u kap në Irak

Më: 4 janar 2022 Në ora: 16:15
Foto ilustrim

Një ekzemplar i rrallë i një leopardi - një panterë persiane - u kap në pjesën malore të Irakut verior, por njëra putër duhej të amputohej për shkak të lëndimit, raporton AFP.

Pantera persiane është një nëngrup leopardi që jeton në zonën që mbulon një pjesë të Kaukazit, veçanërisht Iranin dhe Afganistanin.

Bashkimi Ndërkombëtar për Ruajtjen e Natyrës e konsideron atë një specie të rrezikuar dhe ka vetëm rreth 1000 prej tyre në botë.

Një veteriner nga kopshti zoologjik i Dohukut tha se këmba e pasme e kafshës, rreth pesë vjeç dhe me peshë midis 90 dhe 100 kilogramë, ishte amputuar.

Autoritetet lokale thanë më herët se vendasit në zonën malore raportuan zhdukjen e rreth 20 deleve dhe më pas kuptuan se ishin sulmuar nga një leopard.

Kafsha plagosi putrën e saj pasi ra në një kurth të vendosur nga vendasit.

"Leopardi do të qëndrojë për një kohë të gjatë nën mbikëqyrjen tonë. Dhe nëse nuk lëshohet do të jetojë në kopshtin zoologjik", tha veterineri.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat