Numri i rinoqerontëve të vrarë për brirët e tyre po rritet me shpejtësi

Speciale

Numri i rinoqerontëve të vrarë për brirët e tyre po rritet me shpejtësi

Më: 1 gusht 2022 Në ora: 22:36
Foto ilustrim

Afrika e Jugut regjistroi më shumë rinoqerontë të vrarë për brirët e tyre në gjysmën e parë të vitit 2022, njoftoi sot Ministria e Mjedisit jugafrikan.

Dhjetë rinoqerontë të tjerë u vranë në të gjithë vendin krahasuar me gjysmën e parë të vitit të kaluar, duke e çuar totalin në 259.

Gjuetia pa leje në Afrikën Jugore tashmë është rritur vitin e kaluar pas një rënie në 2020 të shkaktuar nga masat kufizuese për shkak të COVID-19.

Afrika e Jugut është shtëpia e rreth gjysmës së popullsisë së përgjithshme të rinoqerontëve të zinj të rrezikuar në Afrikë, dhe ai vend është gjithashtu shtëpia e popullsisë më të madhe në botë të rinoqerontëve të bardhë.

Nismat për të mbrojtur rinoqerontët në Parkun Kombëtar Kruger të njohur botërisht kanë detyruar gjuetarët të gjuajnë në parqe private dhe në provincën KwaZulu-Natal, tregojnë shifrat e ministrisë.

Ylli i kriketit dhe ruajtësi i rinoqerontëve në Afrikën e Jugut, Kevin Pietersen, tha se shifrat në rritje të gjuetisë pa leje ishin "katastrofike".

Këtu përfshihen gjuetarët vendas, por edhe organizatat kriminale ndërkombëtare që i kontrabandojnë përtej kufirit. Ministria thekson se kërkesa më e madhe është në Azi.

“Njëra nga Pesëshja e Madhe e Afrikës do të zhduket nëse nuk e ndalojmë këtë situatë serioze”, tha Pietersen, duke iu referuar pesë kafshëve më të famshme të Afrikës – rinoqerontit, elefantit, buallit, luanit dhe leopardit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat