Zbulohet madhësia e gjigantit detar, pas zbulimit të fosileve

Speciale

Zbulohet madhësia e gjigantit detar, pas zbulimit të fosileve

Më: 17 maj 2023 Në ora: 23:47
Jurasik

Zbulimi i rastësishëm i ekzemplarëve të mëdhenj fosile në një sirtar muzeu, ka bërë që studiuesit të arrijnë në përfundimin se ekzistonte një zvarranik gjigant detar i quajtur pliosaur që notonte detet 152 milionë vjet më parë, sipas një studimi të fundit, raporton CNN.

Gjetjet nga periudha e Jurasikut të Vonë, megjithëse fragmentare, sugjerojnë se pliosauri ishte rreth dyfishi i madhësisë së një balene vrasëse – dhe e çojnë autorin kryesor të studimit, David Martill, më afër shpengimit. Kjo është për shkak të asaj që shumë studiues i konsideruan të pasakta pretendimet që ai bëri për madhësinë e një pliosauri tjetër në serinë e dokumentarëve televizivë të BBC-së të vitit 1999 “Walking With Dinosaurs”.

Një nga episodet “tregoi një Liopleurodon 25 metra të gjatë”, i cili “ngjalli debate të nxehta … pasi mendohej se ishte mbivlerësuar jashtëzakonisht dhe më shumë gjasa të kishte arritur vetëm një madhësi të rritur prej pak më shumë se gjashtë metra të gjatë”, sipas një njoftimi për lajmet në lidhje me studimin aktual, botuar më 10 maj në revistën Proceedings of the Geologists’ Association.

Artill, i cili ishte konsulent për episodin dhe aktualisht është profesor në Shkollën e Mjedisit, Gjeografisë dhe Gjeoshkencave të Universitetit të Portsmouth në Mbretërinë e Bashkuar, tha se e kishte marrë madhësinë “tmerrësisht të gabuar”.

“Unë i bazova llogaritjet e mia në disa materiale fragmentare që sugjeronin se një Liopleurodon mund të rritet në një gjatësi prej 25 metrash, por provat ishin të pakta dhe shkaktuan shumë polemika në atë kohë”, tha ai në një deklaratë. “Tani ne kemi disa prova që janë shumë më të besueshme pas një zbulimi të papritur të katër (rruazave) të mëdha”.

commentFirst article
Më të lexuarat
Sot mund të lexoni Shfletoni kopertinat