Zbulim i ri pranë piramidës Giza

Speciale

Zbulim i ri pranë piramidës Giza

Më: 4 shkurt 2018 Në ora: 18:54
Varri ndodhet në perëndim të piramidës Keops dhe është ndërtuar nga tulla të përbërë nga balta dhe përmban etiketa të rralla.

Arkeologët egjiptianë kanë zbuluar varrin 4000 vjeçar në afërsi të piramidave të famshme në Giza, në jug të Kajros, thanë zyrtarët.

Ai u zbulua derisa po zgjerohej një hotel. “Në varrin masiv ndodhen mbi 20 skelete të  priftërinjve nga koha e faraonit të dinastisë së pestë”, tha ministri egjiptian i Antikiteteve Khaled al Enanit.

Varri ndodhet në perëndim të piramidës Keops dhe është ndërtuar nga tulla të përbërë nga balta dhe përmban etiketa të rralla.

Në muajt e fundit, Egjipti ka njoftuar për një seri të zbulimeve arkeologjike, duke përfshirë disa varre në Luksor, qytetin jugor. Në mars të vitit të kaluar në Kajro është gjetur një statujë gjigante, e cila mendohet se i takon dinastisë së 26-të të mbretit Psamtik.

Egjipti po përpiqet të ringjallë turizmin, burimin kryesor të të ardhurave të qeverisë. Kjo industri në Egjipt u godit rëndë pas kryengritjes së vitit 2011 kundër diktatorit egjiptian Hosni Mubarak dhe trazirat që pasuan.

commentFirst article
Më të lexuarat
Sot mund të lexoni Shfletoni kopertinat