Zbulohet në Egjipt një varr mbi 4 400 vjeçar - Bota Sot
Zbulohet në Egjipt një varr mbi 4 400 vjeçar

Speciale

Zbulohet në Egjipt një varr mbi 4 400 vjeçar

Më: 15 dhjetor 2018 Në ora: 16:22
Egjipt

Varri i një prifti që është më i vjetër se sa 4 400 vite u zbulua në zonën e Sakara, pranë Kajros, nga një mision arkeologjik egjiptian, njoftuan sot autoritetet.

“Varri i priftit të quajtur Wahtye” daton në periudhën e dinastisë së V (mes 2 500 dhe 2 300 vite para. e.s.), gjatë sundimit të Neferirkare”, sipas Ministrisë së Antikitetit.

“Ky varr është i ruajtur shumë mirë, mbushur me skulptura në pjesën e brendshme. Ajo i përket një prifti të rangut të lartë”, u shpreh sot me kënaqësi ministri i Antikitetit, Khaled El Enany para medias.

“Varri mban kryesisht skena që tregojnë pronarin e varrit me mamanë, bashkëshorten dhe familjen e tij, si dhe disa gropa në mur ku ndodhen statuja të mëdha të ngjyrosura të të vdekurit dhe bashkëshortes së tij”, theksoi ministri në një komunikatë.

Në nëntor, në të njëjtën zonë të Sakara, autoritetet egjiptiane kishin njoftuar për zbulimin e shtatë varreve, katër nga të cilat ishin më të vjetra se sa 6 000 vite, nga i njëjti mision arkeologjik egjiptian.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...