Kosovare Asllani shënon gol të bukur në Kampionatin Botëror - Bota Sot
Kosovare Asllani shënon gol të bukur në Kampionatin Botëror

Sporti

Kosovare Asllani shënon gol të bukur në Kampionatin Botëror

Më: 12 qershor 2019 Në ora: 14:12
Kosovare Asllani

Kosovare Asllani u shpall lojtarja më e mirë e ndeshjes mes Kilit dhe Suedisë, e cila u zhvillua në kuadër të Kampionatit Botëror të grave, që po zhvillohet aktualisht në Francë.

Pasi Suedia ia ndërtoi një statujë për nder të arritjeve të saj në futboll, Kosovare Asllani ia ktheu këtë me një gol të rëndësishëm në ndeshjen e mbrëmshme kundër Kilit.

As Suedia e as Kili s’e kishin gjetur golin e parë deri në minutën e 82-të të ndeshjes, mirëpo Asllani u sigurua që tre pikët e para për këtë Botëror t’i shkojnë pikërisht Suedisë.

“Një fitore shumë e rëndësishme, ju lumtë skuadër”, shkroi Asllani në Instagram pas ndeshjes.

Ndeshja përfundoi me rezultat 2:0, pasi që edhe Madelen Janogy arriti ta shënojë një gol tjetër dhe ta dyfishojë epërsinë e Suedisë në këtë përballje me Kilin.

Me këto tre pikë të fituara, Suedia radhitet në pozitën e dytë në Grupin F të Kampionatit Botëror.

Para Suedisë janë Shtetet e Bashkuara të Amerikës, po ashtu me tre pikë, por me diferencë më të madhe të golave.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...